black belter umano sa arnis si Bulakna,
isang babaylan, mandirigmâ, makatâ pa,
at kay Lapulapu ay butihing asawa,
babae, pinunô, ating bigyang halaga
nakita sa eksibit ni Kidlat Tahimik
nang mata ko'y imulat, di na maipikit
si Bulakna pala sa arnis ay kaylupit
pangalan niya sa kasaysayan igiit
dapat pa tayong magsaliksik ng ganito
dapat pa nating saliksikin ang ganito
tagong kasaysaya'y halungkating totoo
ngala'y idagdag sa bayaning Pilipino
O, Bulakna, pangalan mo'y isinadiwà
sa Mactan ay isa kang bayaning dakilà
kaylaki ng papel ng babae sa bansâ
"Bayani ng Arnis", itatawag kong sadyâ
- gregoriovbituinjr.
03.19.2026
* mga litrato kuha ng makatâ noong Marso 15, 2026 sa MET
No comments:
Post a Comment